التفاصيل

نشر بتاريخ الخميس, 17 تشرين2/نوفمبر 2011 22:02

 بص إتفرج شوف الحالة.. طبقة حاكمة وعايشة عوالة

وأدي سياستهم ع المكشوف.. جوع وبطالة وزرع الخوف

وعشان يكبر رأس المال.. نازلة بتدبح في العمال

راح هنقولها بصرخة قوية.. لاْ لسياسة الحرامية

بالقانون بينهبونا.. بالقانون بيركعونا.. القانون خدام المال.. 

ضد الفلاح والعمال

سامع صوت المكن الداير.. بيقول بس كفاية مذلة.. نفس الصوت اللي ف حلوان.. بيقول شدي الحيل يا محلة

إصحي يا عامل مصر يا مجدع.. وإفهم دورك في الوردية.. مهما بتشقي مهما بتتعب.. تعبك رايح للحرامية

عيطي يا بهية علي القوانين مصر آهي جاعت بالملايين

بعد ما سرقوا الفلاحين دبحوا العامل بالقوانين ( عمال مصر مشردين )

عيطي يا بهية علي القوانين مصر أهي عاشت في الزنازين

إحنا العمال طالعين طالعين طالعين هنغير في القوانين

يا عمال مصر إتحدو.. ضد السطة اللي بتدبحكوا

الإضراب مشروع مشروع.. ضد القهر وضد الجوع

الإضراب هوة سلاحنا.. ضد السلطة اللي بتدبحنا

راح هنقولها سنيين وسنين.. عاش كفاح الفلاحين

عاش كفاح العاملين.. عاش كفاح الشقيانين

بإسم قانونهم المصنوع.. حق الإضراب بقي ممنوع

فصل العامل بقي مشروع.. نهب العامل بقي مشروع

بقت الصورة واضحة صريحة.. نص العمال بقي سريحة

القانون ده بيخدم مين.. يخدم باشا بكرش سمين.. مش عمالنا الشقيانين.. ولا أهالينا المنهوبين

دا إحنا يا ناس قضايانا كتير.. بالثورة يكون التغيير.. إيدي في إيدك للتغيير

حزب الطبقة العاملة طالع.. من المصانع والمزارع

حزب الطبقة العاملة جي.. يعمل ثورة وينشر ضي

يا مجلس عسكر صباح الخير.. ده انت رئيسك ملياردير

يا مجلس عسكر صباح الطين.. ده انت وزيرك عجل سمين

قولي يا مجلس للبهوات.. ليه سكنا الجبانات

بإسم السبعة مليون عاطل.. المجلس العسكري باطل (النظام في مصر باطل)

مصر عايزة ثورة حرة.. تحكي أن العيشة مرة.. ثورة طالعة بالغلابة.. يعملوا مصر العدالة.. ناسها قادرة علي القوالة

قولي يا بهية وقول يا حسين.. خير بلادنا رايح فين.. رايح للشعب الفقير.. ولآ للباشا الكبير

بإسم سياسة الإنفتاح.. سرقوا العامل والفلاح

اللي يوافق علي القوانين.. يبقي خاين للملايين

الحرية بإيد الناس.. مش بالحاكم والحراس

وإحنا شعارنا الإشتراكية.. لأجل العدل والحرية

إصحي يا عامل قوم يا فقير.. مصر بتحلم بالتغيير

يا اللي واعدنا بالرخاء.. مصر بترجع للوراء

النظام في مصر شاخ.. عهد مبارك ولًي وراح.. وعشان يثبت إنه شباب.. جاي علينا بالإرهاب

إنتوا رايحين الزبالة.. إنتوا لصوص أنتوا حثالة

آدي بطالة وآدي تجويع.. وآدي بلاد معروضة للبيع

طالع صوتنا ليل ونهار.. إربط أجري بالأسعار

المصدر : صفحة حسام الحملاوي على الفيس بوك